8 سنوات " محارب عجائبى" يطعم 900 صائم يوميا

 

 

 

 

رسالة النيل

 

في مدينة الغردقة التى تقع فى أقصى شرق مصر على الساحل الغربي للبحر الأحمر، وتحديدا فى أهم شوارع المدينة وهو شارع النصر الذى يقسم المدينة إلى نصفين، الجزء الغربى القريب من الجيل والجزء الشرقى الواقع على الساحل البحر .

 

وقبل موعد إفطار رمضان ستجد مائدة كبيرة يشرف عليها رجل فى أوائل الخمسين من عمره، يرتدى معطفا ابيض وجوانتى فى يديه، وحوله مجموعة من الشاب يلبسون مثله، ويقومون بتنسيق مائدة طعام كبيرة من افخر انواع الطعام فوق مائدة  مرصوصة في الشارع وتسع لقرابة 1000 شخص!..

 

مائدة الرحمن هذه التى تطعم صائمى المدينة يقيمها رجل يدعى" محارب عجايبى" مصرى مسيحى..

 

المائدة يقيمها "محارب" منذ ثمانية سنوات متتالية فى نفس المكان والزمان – رمضان من كل عام- وهى مائدة كبيرة تتسع لقرابة 100 شخص .

 

محارب الذى تربى من صغره كمصرى لا يعرف الفرق بين مسلم ومسيحى، بل هم نسيج واحد وشعب واحد، وان هذه الخدمة التى يقدمها لا يبتغى منها كما يقول سوى" رضى ربنا" .. لما جت الفكرة في باله من 8 سنين ولما بدأ ينفذها كان عنده هدف واحد فقط وهو إنه مش عايز غير رضا ربنا لإنه مؤمن إن أى خير بيحصل مع أى إنسان مقترن بفضل ربنا عليه ثم بدعوات الناس الغلابة..

 

ولإن مفيش أى فرق من أى نوع بين المصريين؛ أستاذ "محارب" بيستعين بـ شيفات مسلمين ومسيحيين، وبعد ما الأكل بيتجهز بيقعد الكل بما فيهم هو نفسه عشان ياكلوا سوا مع الناس..

 

الوجبات اللي بيقدمها في المائدة فيها لحوم وفراخ وحلويات، والعظيم كمان إنه بيجهز وجبات متغلفة عشان يوزعها ديلفري على الناس البسيطة لحد بيوتهم واللي ممكن يكونوا بسبب الخجل مكسوفين يروحوا لمكان المائدة.. أستاذ "محارب" بيقول في ختام كلامه: (أعز أصدقائي مسلمين واتربينا مع بعض من طفولتنا وعمرنا ما قولنا ده مسلم ولا ده مسيحي، وبحس بالسعادة دايماً لما بفطر مع أهلي وإخواتي المسلمين)..

 

تفصيلة حلوة من مواطن مصري أصيل.. مصر غير أى مكان تاني في العالم، وناسها وأهلها فيهم طيبة، وجمال مش هتلاقيهم إلا علي أرضها.. شعب فيه الترابط ده مايتخافش عليه.. كل سنة وكل المصريين طيبين، وبيجمعهم حب البلد وترابها.